اي سؤال؟؟؟؟؟

[كابتن فيصل]

شباب اذا تبون استفسار او اي سؤال عن كرة السلة في نادي كاظمة من افرقة او اداريين انا حاضر

[kazma_handball]

يعطيك العافيه اخوي على الموضوع وعلى مجهودك وانشالله تساهم في تطور القسم

اخوي بغيت اعرف ليش الدرجه الاولى في الموسم الي طاف مستواهم مو زين ومانافسو على ولا بطوله ولماذا البطولات منحصره بين فريقين الكويت والقادسيه مع العلم ان في لاعبين بكاظمه زينين

[كابتن فيصل]

فريقنا السلة مشكلته نفس منتخب الكويت...ما يتمون على مدرب ويطولون معاه....مثال : الموسم الي فات 05\06 كان مدرب الفريق يديد واول مرة ايينا مدرب اجبني ...بعدين خذوه نادي القادسية ...وبعد ما تعودوا علييييه فريقنا راح القادسية ويبنا مدرب امريكي...وما اعرفوا شلون يسيطرون على افكاره...ومن كثر ما فريقنا توهق بالتدريب مع المدرب اليديد قامو يشرفون عالفريق الاول : المشرف ومدير اللعبة ومدير النادي مع العلم ان مشرف الفريق ومدير النادي كانوا لاعبين سلة قبل......والسبب الثاني نقص اللاعبين واثبات على هذا انهم ماخذين كذا لاعب من فريق 18 وبين بينهم عبدالله توفيق ومحمد السعيد واحمد البلوشي....فانشالله هالموسم اكتملو اللاعبين وراح يبيضونها انشالله....والسبب الثالث والسخيف ان في كذا لاعب قاعدين يلعبون بس حق المردود المادي ........

[kazma_handball]

يعطيك العافيه على التجاوب السريع

وبالتوفيق لكم الموسم الياي وانشالله تقدمون مستوى يليق بسمعه السفير

[كـظـمـاوي]

الف شكر لك كابت فيصل على هذي البادرة الطيبه
وان شاء الله تكون جمع الاساله سهله بالنسبه لك
فكرة حلووه الله يوفقك
الموضوع مثبت

[كابتن فيصل]

لا حبيبي انا ابي اخدمكم لاني انا موجود بالنادي من ناحية الاشراف والتدريب..وانا حاب اعطيكم الاخبار اول باول عن كل فئات لفرق كرة السلة بكاظمة

[وردة كااظمه]

يعطيك العافيه بس حبيت اسال اشلون استعداد الفريق الياى

[كابتن فيصل]

الله يعافيج .....الفريق الأول ليلحين ما بدوا تدريب بس في انضباط لان كل يوم وترك قاعدين يلعبون سلة بالنادي من ناحية المهارات ....اما باجي الافرقة ( الفئات الصغار ) قاعدين يتدربون للموسم الياي وفي اهتمام للاعبين لان المدربين قاعدين يقووون عضلاتهم واجسامهم من ناحية الاثقال ...وعلى فكرة كل خميس قاعدين يتدربون بالمسبح .... اما من ناحية الفريق الأول قلته واذا في اي شي بنزله عالمنتدى على طووووووووووووول

[kazma_handball]

اخوي كبتن فيصل ممكن اعرف اخر بطوله حصل عليها فريق نادي كاظمه للدرجه الاولى

وشلون شايف اهتمام الاداره فيكم(بصراحه)

شكرا لك وسامحني على الاسئله الي تأذي الواحد

[العرج كظماوي]

ودي نتعرف على صور واسامي فريقنا هالموسم وخاصه المحترفين نبي نسمع اخبارهم